Azkue Fundazioa
Hasiera  •  Azkue Fundazioa  •  Gure Proiektuak  •  Jakintza Librea • Zer da JKlik?

Gure proiektuak

JKlik

Zer da JKlik?

Euskara sarean jostea da gure lana eta gure helburua. Gurea eta zuena ere bai. Guztion artean euskara zabaltzen dugu mundu digitalean ere bai eta euskara teknologiara eramaten dugu.

Webguneko atal hau euskaldun eta euskalzale guztiontzat erabilgarri izatea nahi dugu eta aukera eman nahi dugu mundu digitalean sortzen diren ekimenen berri emateko eta euskara eta gure kultura eta gizartearekin harremanatuta dauden egitasmo ezberdinak sustatzeko.

Asko dira euskararen alde mundu osoan zehar lan egiten duten erakundeak. Ezagutu atal honetan zer egiten duten euskararen alde.

ZER DA JKLIK (IKAS MATERIALA)?

Irakaslea zara? Ordenagailu bidez landu nahi dituzu irakasgaiak? Erabili JKlik eta sortu itzazu, bakarrik edo taldean, zure ikasgaien inguruko aplikazio didaktikoak.

JKlik software libreko aplikazio-multzoa da, mota ezberdineko hezkuntza-jarduera multimediak sortzeko balio duena: buru-hausgarriak, elkarketak, testu-ariketak, gurutzegramak, letra-sopak eta abar.

Java plataformaren gainean garatuta dago eta Windows, Linux, Mac OS X eta Solaris sistema eragileetan funtzionatzen du. GNU GPL lizentziapean banatzen da.

JKlik proiektua Klik 3.0 programaren garapena da, 10 urtetik gorako garapena izan duen multimedia aplikazio didaktikoak sortzeko baliabidea. Egitasmo hau Fransesc Busquets katalanak sortu zuen eta Xarxa Telemàtica Educativa de Catalunyaren “Zona Clic-etik” ematen zaio zabalpena. Tarte horretan hezitzaile euskaldun askok ere erabili izan dute haur-hezkuntzatik hasi eta bigarren hezkuntzara bitarteko kurrikulumetako prozedurazko hainbat alderditarako jarduerak sortzeko eta itzultzeko.

AZKUE Fundazioak euskarazko Jklik aplikazioak bildu eta zabalduko dituen gunea sortu nahi du sarean. Hau da, Jklikaren inguruko euskal komunitatea eratu nahi du. Parte hartu nahi?

    Jclic-aren  webgune ofizialerako sarbidea