Azkue Fundazioa
Hasiera  •  Azkue Fundazioa  •  Gure Proiektuak  •  Lehiaketeei Buruzko Informazioa • Banden Lehia

Gure proiektuak

Banden Lehia

Banden Lehia

Hastapenak

Banden Lehiaren hastapenak 2008an eman ziren, Bizkaiko Foru Aldundiak Euskararen Nazioarteko Eguna ospatzeko kontzertu erraldoi bat ospatu zuenean, tokiko bandek eskainia. Ekitaldi formatoa izan zuen orduan.

2009an lehenengo edizioa

2009an, Banden Lehia webgunea sortu eta lehiaketa osagaia gehitu zitzaion egitasmoari: banda ezagun baten kontzertua izango zen, baina baita talde amateur euskaldunen arteko lehiaketa bat.

Hasieratik eman zitzaion ikuspegi teknologikoa, hori bai. Eta urte horretan jarri zen martxan finalean egun ere erabiltzen den bozketa sistema: publikoak bere gogoko taldearen alde bozkatzeko aukera izango zuen, talde bakoitzari esleitzen zaion telefono zenbaki bati dei galduak eginez.

Ekitaldi polita izan zen hura eta urte horretan Haxotz taldeak irabazi zuen. Talderako musika tresnak erosi ahal izateko 2.000 euro irabazi zuten.

Haxotz, Banden Lehia 2009



Bigarren edizioa (2010)

2010eko bigarren edizioan Último dia, Arrakada, Hits eta Enkore taldeak aritu ziren finalean, Kafe Antzokian ospatutako ekitaldian. The Uski´s taldearen kontzertua ere eskaini genuen.

Azkenik, Ultimo dia taldea suertatu zen irabazle.

Taldeak 2.000€-ko opari-txekea jaso zuen musika-materialetan gastatzeko.

Ultimo día taldea - Banden Lehia 2010eko irabazlea

Hirugarren edizioa (2011)

Urte honetan lehiaketak arrakasta eta ezaguna izatea lortu zuen eta aurrera pausu bat emateko aukera izan genuen, sariak hobetuz. Bestalde, epaimahaia osatu zuen taldea ere profesionalizatzea lortu genuen eta maila handiko kideak bildu zituen: Joseba Martin (Radio Euskadiko esataria, musika arloan aditua), Ritxi Aizpuru (Baga Biga diskoetxeko arduraduna), Haimar Arejita (Gatibu taldeko musikaria) eta Last Tour International enpresako kide bat.

Edizio honetako finalistak izan ziren: The Mocker´s durangotarrak eta Bilboko B-Flat taldeak, webguneko botuei esker; beste biak, epaimahaiko kideek aukeratuak, Damudot mallabiatarrak eta Elorriotik heldutako Namek Planet taldeak izan ziren.

Bilborocken ospatu genuen lehenengoz finaleko ekitaldia eta Gose taldea izan zen gonbidatua.

Irabazlea Namek Planet izan zen eta sari honi esker musika-tresnak erosteko 2.000 eurotako diru-txekeaz gain, Bilbao BBKLive jaialdiko 2012ko edizioan jotzeko aukera ere lortu zuen. Euskal musika eta euskaraz egindako musika nazioarteko jaialdi baten mailara eramatea lortu genuen.

Bestalde, Banden Lehia 2011ko webgunea Buber Sarietan nominatua egon zen, euskarazko garapen teknologikoen kategorian.

Namek Planet, Banden Lehia 2011

Laugarren edizioa (2012)

Urtez – urte lehiaketa kalitateari dagokion hobekuntzari esker bilakatu da. Edizio honetan beste berrikuntza bat sartu genuen sarietan: irabazleak Bilbao BBKLive jaialdian jo eta disko bat ekoizteko aukera izango zuen.

Eta lehiaketako edizio bakoitzeko disko bilduma oroigarria sortzea ere otu zitzaigun: lau banda finalisten kantekin osatutako diskoa ekoiztu eta finalista guztiei oparitu.

Edizio honetako lau finalistak hau izan ziren: The Crazy Wheels bilbotarrak, Malder zestoarrak, Usurbilgo Odolaren mintzoa eta Barakaldoko Herri Oihua. Finala orekatua taldeen jatorriari dagokionez eta musika estilo oso ezberdinetakoak.

Herri Oihua eta The Crazy Wheels webguneko botoei esker sailkatu ziren; epaimahaiak beste bi talde aukeratu zituen finalean aritzeko: Malder eta Odolaren mintzoa.

Edizio honetako epaimahaian egon ziren: Ritxi Aizpuru (Baga Biga diskoetxeko arduraduna), Peio Reparaz (Vendeta taldeko musikaria), Pablo Cabeza (musika kazetaria) eta Last Tour Internationaleko Zaloa Zabala.

Bilborocken ospatutako finalean The Uski´s taldea izan zen gurekin kontzertua eskaintzen.

2012 edizioko Banden Lehiako irabazlea Herri Oihua taldea izan zen. Barakaldoko taldeak Baga-Biga diskoetxearekin disko bat ekoiztu zuen eta 2013ko BBKLive jaialdian zuzeneko kontzertua eskaintzeko aukera izan zuten baita ere.
Herri Oihuaren EZ diskoa 2013ko uztailean aurkeztu genuen. Hile horretan ere Bilbao BBKLive jaialdian jo zuten.

Herri Oihua, Banden Lehia 2012

Bosgarren edizioa (2013)

Maila handiko taldeak aurkeztu ziren eta azkenean hauek izan ziren lau banda finalistak:  IsekaUkanEskean Kristöeta Urgatz taldeak!! 

Epaimahaikideak edizio honetan hauek izan ziren: Baga-Bigako arduraduna den Ritxi Aizpuru; Last Tour Internationaleko Zaloa Zabala; Gatibu taldeko Haimar Arejita eta Andres Portero kazetaria.

Bilborocken ospatu genuen finala eta Vendetta taldearen kontzertua izan genuen ere. Finalik jendetsuena izan zen.

Irabazlea, arratiako Eskean Kristö izan zen. 2014ko Bilbao BBK Liven jo zuten eta diskoa ekoiztu baita ere. Diskoak “Azote Kaldüz” du izenburua eta 2014ko urrian aurkeztu genuen.

IMG_4442

Seigarren edizioa (2014)

Eta seigarren edizioko irabazlea? Aurtengo lehiaketa martxan dugu oraindik.

Laster jakingo dugu zein izango den Banden Lehia 2014ko irabazlea. Zure gustoko bandaren alde botoa emateko epea zabalik dago. Hemen sakatu Banden Lehiako webgunera jotzeko.

Banden2017logo

 

Azkue Fundazioak antolatzen duen musika txapelketako 2017ko bederartzigarren edizio honetan 15 taldek [Akabu, Aneguria, Artezean, Astrid, Atila Txiguagua Beldurgarria, Azken Trena, Baneki, Deus Ez, Haustura, Hiri galduak, Huts, Jasan, Kiñubak, On eta Raust!] eman dute izena. Banden Lehia euskal musika sustatzen duen lehiaketa da. Banda amateurrik onena saritzen du, tokiko taldeak ezagutzera emanez eta, bide batez, euskal musika sarean ere zabalduz.

Estilo anitzetako banda eta kantuak izan dira lehian, rock taldeak dira gehienak, baina Rap eta raggamuffin, pop, metal eta punk alternatiboa.

Euskal Herriko txoko ezberdinetako taldeak hartu dute parte lehiaketan. Gehienak Bizkaia eta Gipuzkoako musikariak diren arren, Nafarroako talde bat ere badago aurten, Berakoa, hain zuzen ere.

Bestalde, aurtengo epaimahaia Ritxi Aizpuruk [musika editorea; Baga Biga diskoetxeko arduraduna], Xabi HOO [Enkore taldeko abeslaria], Maia Muruaga [Euskal Irratiko kazetari eta esataria] eta Aritz Gonzalezek [Last Tour International]osatu dute.

Talde finalistak hautatzeko lanetan aritu diren epaimahaikideek aurtengo maila oso altua izan dela azpimarratu nahi izan dute. Hiru talde aukeratu behar izan dituzte eta zaila izan da azken erabakia hartzea. Izan ere, oso lehia estua izan da, kalitate handiko proposamenekin.

Hiru finalista horiez gain, publikoak ere izan du bozkatzeko eta iritzia emateko aukera. Galdakaoko Akabu taldea izan da puntu gehien lortu

Bilboko Aneguria, Berako Azken Trena eta Basauriko Raust! Aukeratu dituzte finalerako epaimahaia osatzen dutenek.

Akabu

Galdakaoko laukote gazte honek punk metal estiloa jotzen du, musika azkarra eta letra gogorrak. Aurtengo urtean hasi dira zuzenekoekin eta uda honetan bertan atera dute beraien lehen diskoa, 11 abesti propioz osatuta dagoena.

 

Aneguria

Durango eta Bilbo bitartean hezitako abeslari hau Rap eta raggamuffin bitartean dabilen “MC” da. Euskarazko bat-bateko rap eta bertso solasetan ibili ohi da.
2017ko ekainean Aneguriak bere bakarkako lehen lana atera du Horchata de chufa izenarekin.

Azken Trena

Beran sortutako talde honek Rock Alternatiboa jorratzen du. Hala ere, beste hainbat estilo ere lantzen dituzte, besteak beste, blues, pop-rock eta psikodelia. Lehen diskoa atera berri dute, Zerotik izenekoa. Zenbait bertsolari eta musikariren kolaborakioak dituzte beraien lan horretan.

Raust!

Raust! 2015eko hasieran sortu zen, Deustuko Gazte Lokaleko Bertsio Gauean jotzeko asmoz. Hasierako plan horren barruan sortutako lagun giro horretan, abesti propio batzuk sortzea erabaki zuten. Zenbait kontzerturen ostean, lehen demoa grabatzera animatu ziren eta aurten argitaratu dute
Rocka, bluesa, grungea eta metala dituzte ardatz.

Finala, azaroaren 24ean, Bilborock aretoan ospatu dugu. Ekitaldi honetan lau banda finalistek zuzeneko kontzertua eskaini dute. Publikoak botoak eman zituen eta epaimahai profesionalak ere kontzertuak ikusi ditu. Bien artean edizio horretako irabazlea aukeratu dute.

Guztira 6605 txio bidali ziren gauan zehar, ekitaldia irauten zuen bitartean.

Publikoaren botoek erabakiaren %40a suposatzen zuen; epaimahaiaren erabakiak beste %60a. Eta lan handia izan du epaimahaiak edizio honetan, lau taldeak maila haindikoak zirelakon.

Publikoaren botoei esker Raust! taldeak lortu zituen birtxio kopuru gehien, 2.946 birtxioketarekin. Akabu taldea atzetik 1.498rekin; eta ondoren Azken Trena, 1.232 birtxio izan zituen eta 54 Aneguriak.

Epaimahaiak, bestalde, aho batez erabaki zuen Aneguriak lehen postuan egon behar zuela.

Eta horrela, boto guztien %60,38rekin, Aneguria suertatu zen irabazle. Ondoren,Raust! taldea, %20,57a eta Akabu taldea, %10,46rekin; eta Azken Trenak %8,60 lortu zuen.

Beraz, Aneguria izan da Banden Lehiako 9. edizioko irabazlea.

Sariak ere guztiz desiragarriak izan dira eta talde irabazleak honako hau jaso dute:

 Banden Lehia 2017eko 9. edizioko laburpen bideoa:

Banden Lehiako 9. edizioko finaleko kontzertu guztiak ikusteko sartu gure YouTubeko kanalean

 Banden Lehia 9. edizioko promozio bideoa

Lehiaketaren webgunea ikusteko: www.bandenlehia.eus

Sar zaitez menuan edizio bakoitzeko informazioa jasotzeko.

Banden Lehiako webgunea ikusi