VII. edizioa (2016)

Istorioak irudi bidez kontatzea gustuko baduzu, nagiak askatu eta errodatzen hasi!

Gaztezulo aldizkariak urtero antolatzen duen bideo lehiaketaren zazpigarren edizioaren deialdia bota du eta aurten Azkue Fundazioak babestuko du lehiaketa.

Lanak entregatzeko epea urriaren 7tik azaroaren 10era egongo da zabalik. Ondoren, epaimahaikideak lanean jarriko ditugu.

Nori zuzenduta dago eta zelan parte hartu

16 urtetik gorako gazteek parte har dezakete lehiaketa honetan.

Aurkezten diren bideoak aurten errodatuak, originalak eta argitaratu gabeak izan behar dira.
· Iraupena
Gutxienez minutu 1 eta gehienez 3 minutu (kredituak barne).
· Gaia
Charles Chaplinen ‘The Kid’ filma abiapuntutzat hartuta, honako gaian oinarritutako istorioa jorratu beharko duzu: zure eskuetara iristen den mezu batek aurreikusitako
planak aldatuko dizkizu…
· Lanak entregatzeko epea
Bideoak urriaren 7tik azaroaren 10era bitarte aurkeztu behar dira, eguerdiko 12:00ak baino lehen.

· Bideo kopurua
Pertsona edo talde bakoitzak nahi beste lan bidali ditzake.

· Teknika
Edozein teknika eta estilo erabilitako bideo-lanak onartuko ditugu.
· Formatua
.mov eta .mp4 formatuan bidalitako bideoak onartuko dira.

· Nola parte hartu?
1. Gaztezulo.eus webguneko ‘Bideo Lehiaketa’ atalean topatuko duzuen formularioa bete. Bertan, taldearen izena, taldekideen izen-abizenak, herria, kontaktua, bideoaren
izenburua eta deskribapen labur bat zehaztu beharko dira, besteak beste.

2. Bideoak WeTransfer bidez (wetransfer.com) bidali behar dituzue galdizkaria@gmail.com helbidera.

3. Azaroaren 28ko 12:00ak bitartean, ikusleen botoak eta iruzkinak jaso ahal izango dituzte.
Jasotako bideoak GAZTEZULOren YouTubeko kanalera igo eta gaztezulo.eus webgunean publikatzen joango gara.
Beraz, zenbat eta lehenago bidali orduan eta Ikuslearen Saria irabazteko aukera gehiago.

Hemen sakatu lehiaketako oinarriak ikusteko.

Epaimahaia

Urtero bezala, ikus-entzunezkoen esparruko zenbait adituk osatutako epaimahaia arduratuko da bidalitako lanak ikusi eta onenak zein diren baloratzeaz. Aurtengo edizioan hauek izango dira:

Aitor Abaroa zinema kritikaria
Maialen Goñi ZINEA.EUS ataleko arduraduna eta
Koldo Almandoz kazetari eta zinemagilea

Sariak

1GO SARIA: Azkue Fundazioari esker, bideo onenaren egileak 1.200 euroko saria jasoko du.
• 2. SARIA: egileak 300 euroko
saria jasoko du.
• IKUSLEEN SARIA: gaztezulo.eus webgunean azaroaren 10eko 12:00ean ikusleen boto gehien dituen lanaren egileak hainbat produktuz eta GAZTEZULO materialez osatutako opari sorta bat irabaziko du.