Azkue Fundazioa
Hasiera  •  Euskararen Etxea  •  Mediategia Eta Liburutegia  •  Liburutegia • Gizarte-ezagutzaren garapena nerabezarora arte
Liburu

Gizarte-ezagutzaren garapena nerabezarora arte

Editorial UPV/EHU
  • 2007
  • Gaia: psikologia
  • eu

Jaiotzen diren unetik, gizakiak oso konplexua den gizarte-sistema batean murgiltzen dira. Sistema horretan bizirauteko, ezinbestekoa da horren inguruko ezaguera garatzea. Besteak beste, ikasi behar dute pertsonez eta haien arteko harremanez; aberria, politika, ekonomia eta antzeko sistema sozialen funtzionamenduaz; bakea, gerra eta beste hainbat kontzeptu sozialen esanahiaz eta arau moralez. Hala, esku artean duzun liburuaren helburua, hau da: gizarte-sistema osatzen duten hainbat gairi buruzko ezagueraren garapena deskribatzea eta horren inguruko hausnarketa bultzatzea. Helburu hori lortzearren, liburua sei ataletan banatu dugu. Lehenengoan, gizarte- ezagutzaren garapena delako ikerketa-eremuari dagozkion oinarri kontzeptual eta metodologikoak azalduko dira. Bigarren atalean, berriz, testuinguruak gizarte- ezagutzaren garapenean duen eragina izango da hizpide. Hirugarren, laugarren eta bosgarren ataletan, gizarte-ezagutza osatzen duten eremuei (pertsonartekoari, sozietalari eta moralari) dagozkien hainbat gairen ezagutzaren garapena deskribatuko da. Azkenik, seigarren atala esku-hartzeari dagokio. Atal bakoitza osatzen duten kapituluen amaieran, zenbait ariketa proposatzen dira, irakurritakoa hobeto ikasi eta horren inguruko hausnarketa bultzatzeko. Funtsean, liburua idatzi dugu gizarte-ezagutzaren garapenari euskaraz hurbiltzeko tresna izan dadin. Irakurleak erabaki dezala ea lortu dugun!

  • Zeinua
    OZ 7.19
  • ISBN
    978-84-8438-098-6
  • Legezko Gordailua
    BI-3484-07
  • Azalpen fisikoa
    484 or., 24x17 zm
  • Argitalpen Lekua
    Bilbo
  • Egilea
    Reizabal, Luixa