Jakin 130/131 maiatza-abuztua 2002: Euskal Unibertsitatea

Eskuetan dituzun hauek bigarren aldiko 130/131. zenbakiak dira eta 2002. urteko hirugarrena eta laugarrena.
Zenbaki hauetako Gai nagusia Euskal Unibertsitatea da. Izan ere, duela 25 urte, Jakin aldizkariaren bigarren aldiaren abiapuntuan bertan, gai horixe plazaratu genuen. 1977. urte hartan gaia pil-pilean zegoen, arazo bizienetako bat baitzen sortzear zegoen unibertsitateak zer-nolakoa behar zuen. Orduko hartan Euskal Herriko Unibertsitatea sortu zen, ez ordea Euskal Unibertsitatea. Beraz, lehen zenbaki hartatik 25 urte igaro ondoren, orduan eskakizun zena orain ere eskakizun eta eginkizun da, Euskal Unibertsitatea, euskaraz arituko den unibertsitatea, alegia.